Shillong, Naitung 28: U Myntri ka tnat Tourism bah Paul Lyngdoh hynne ka sngi Thohdieng, ula kyntu iaka tnat kam pohïing (Police) ba kan thwet iaka seng Legal Rights Observatory (LRO) kaba donkti ban pynthoh bria iaka Meghalaya kum ka jylla kaba pyrshah ia kiwei ki briew kiba wan shapoh kane ka jylla.
“Nga kwah ban kren shai ba kane ka seng LRO ka dei ka seng kaba don jingthmu ban pynthoh bria iaka jylla daka ba kam ba ka Meghalaya kadei ka jylla ba ki nong shong shnong ki dei kiba shun bad kiba pyrshah ia kiwei pat ki briew ban wan shapoh kane ka jylla khnang ba kiwei pat ki briew na kiwei ki jaidbynriew kin nym wan shuh sha ka jylla” ong u bah Paul.
U bah Paul ula ong ba kan dei ka kamram jong ka tnat kam pohïing (Police) ban thwet ia kane ka seng ban iada iaka Meghalaya naka jingshah pynthoh bria ha kum kine ki briew kiba don ka jingthmu ban pynjot iaka jylla.
Ula ong ba ka jingwan ki briew ha Meghalaya haka shisnem ka poi haduh 15 lak ngut eiei bad kane ka dei ka sakhi ba ki briew kiba wan sha Meghalaya ki iohi ba ki paidbah nongshongshnong ki long kiba sngewtynnad, kiba iatreilang bad kiba pdiang ia kino kino kiba wan kai sha kane ka jylla.
“Nga la bthah ruh iaki ophisar ka tnat Tourism ban pynpaw beit hapoh ka Website jong ka Meghalaya Tourism ba ka jylla ym tang ba ka long kaba shngain hynrei kadei ruh kawei ka jylla kaba khring bha iaki nongwan shangkai pyrthei” ula ong.
 ban thwet ia kane ka seng ban iada iaka Meghalaya naka jingshah pynthoh bria ha kum kine ki briew kiba don ka jingthmu ban pynjot iaka jylla.){kind=link}