Shillong Naitung 25: U Superintendent of Police (SP) City u Bah Vivek Syiem, ula pyntip ba ka jingtohkit ki pulit kala shem ba u samla Pynsuklang Khongwir ula dkhat jubor iala ka jingim da ka jingpynbthei ia u bomb IED.
Kumban shu pynkynmaw ha ka 3 tarik u Naitung, ha ka por 12 baje mynsngi kala don ka jingbthei ha ka shnong Lumkynsai, Smit, ha kaba u samla Pynsuklang Khongwir uba don hapdeng ka jingthiah pang, ula shim iala ka jongka jingim hala ka kamra thiah.
“Ha ka jingtohkit la shem ia ki dak ki shin kiba sah jong u bomb IED na ka jaka kaba la don ka jingbthei bad ngin sa tohkit ia ki bahaiing bahsem bad ki briew kiba sah ha katei ka ïing” ong u Bah Syiem haba iakren bad ki nongthoh khubor.
Une u heh pulit ula ong, ba ka jingtohkit ka dang iaid shakhmat ban lap iaka jingshisha kumno une uba la khlad noh uba don beit hapdeng ka jingthiah pang la bun bnai ula pynbthei da u bomb.
“Ka jingkylli kaba mih mynta ka long mano ba la pynioh ia une u bomb bad ngi la dep ban wad bniah halor kane bad sa tang kato katne por hi, ngin sa tip mano ba pynioh ia u bomb IED bad naei kila ioh” la ong u SP City.
pule ruh: Rai ka KHADC ban pynthymmai ka KTMC, yn plie noh shen ia ka Traditional Medicine Institute
 City u Bah Vivek Syiem, ula pyntip ba ka jingtohkit ki pulit kala shem ba u samla Pynsuklang Khongwir ula dkhat jubor iala ka jingim da ka jingpynbthei ia u bomb IED.){kind=link}