Shillong, Naitung 23: Ka North Eastern Hill University Students’ Union (NEHUSU) kala pyrshah jur ban pyntreikam noh mardor iaka National Education Policy (NEP) 2020 da kaba pynpaw ba kiba bun ki College ha ka jylla kim pat long kiba kloi ban pdiang ia kane ka polisi treikam kaba thymmai.
“Ka NEP kan buh ha ka jingeh namar ba ym pat biang lut ia ki jingdonkam ha ka jylla bad ba ka jylla ka dang sahdien bha ha ka jingdon ki nonghikai kiba ai jinghikai kyrpang ia ki sobjek” ong u Mandor Diengdoh uba long u Finance Secretary ka NEHUSU.
U Manbor ula ong, ba ka jingpynbna u VC ka NEHU u Prof Prabha Shankar Shukla ka long kaba syndet bad kadei kaba la shu rai kyrkieh namar la dei ban iashong bad iatai shwa bad baroh ki college hashwa ban shim iaka rai, khnang ba ki college kin lah ban pynbiang ia ki jingdonkam baroh.
U Vice President ka NEHUSU u Easterson Sohtun ula ong, ba ka jylla kam pat long kaba kloi ban pyntreikam iaka NEP namar ba ki don ki college ha ki thaiñ nongkyndong kiba don tang ia kawei ka Course/Stream bad kim don ia ka Teacher Teaching Coding bad kiba bun ki samla pule ruh kim pat long kiba kloi.
U Prof Shukla ula ong, ba ka University kala dep ban pynytreikam iaka NEP 2020 na ka bynta ki samla pule ha ka Post Graduate (PG) ha ka samoi jingpule jong u snem 2022-23, katba ia ki samla pule Under Graduate (UG), ka University kala dep ban phah ia ki shithi sha baroh ki college kiba pyniasoh bad ka NEHU ban pyntreikam noh iaka NEP naduh ka 1 tarik u Nailar 2023.
Halor ka jingkylli la ki College kila long kiba kloi ban pyntreikam ia katei ka polisi treikam kba thymmai, u Prof Shukla ula ong, ba ka NEHU kala dep ban phah iaka shithi sha baroh ki Principal jongki college, hynrei ym pat lah ban tip ia ka jingdon jong ki college kiba pdiang bad kiba kyntait ban pyntreikam iaka NEP.
Ula ong ruh, ba ki college ki bym treh ban pyntreikam iaka NEP kidei ban ai da ka jingthoh ia ki jingeh kaba ki iakynduh bad ban phah sha ka NEHU.
 ha ka samoi jingpule jong u snem 2022-23, katba ia ki samla pule Under Graduate (UG), ka University kala dep ban phah ia ki shithi sha baroh ki college kiba pyniasoh bad ka NEHU ban pyntreikam noh iaka NEP naduh ka 1 tarik u Nailar 2023.){kind=link}