Guwahati, Naitung 09 : Ka All India United Democratic Front (AIUDF) ba ialam da u Badruddin Ajmal, kala leit ban mudui sha ka Iingkashari Supreme Court pyrshah ia ka jingphiah constituency ha Assam.
Ka AIUDF kala mudui pyrshah ia ka jingiaid ka jingphiah constituency ha ka thain ba shatei lam mihngi ka Jylla Assam. Ia kane ka mukotduma la ujor da u MLA ka AIUDF Suzam Uddin Laskar uba dei u Vice President ka Party.
“Ka AIUDF kala ujor sha IIngkashari Supreme Court ha ka 08/07/2923 ban pynsangeh ia ka jingphiah constituency ha Assam. Ia kane ka case la mudui da u Suzam Uddin Laskar, MLA bad Vice President ka AIUDF na ka bynta ka party” ong ka AIUDF ha ka twitter.
Lah ban kdew hangne ba nalor ka AIUDF, ki don ruh kiwei ki party ka liang pyrshah ha Assam kiba la pynsngew ia ka jing pyrshah ia ka jingphiah constituency ha Assam.
Ia kane ka jingphiah constituency la Assam la pynlong da ka Election Commission ka Ri India (ECI).
