Imphal, Naitung 5: Palat 2000 ngut ki dkhot ka Village Defence Volunteer hynne ka sngi Balang, kila iamih paidbah ban pynpaw ia ka jingpyrshah bad jingpynrem jur halor ka jingpyniap bad jingkhrai khlieh ia u rang ialehkai phutbol David Thiek ha madan Lamka, kaba don ha Churachandpur District.
Ki VDP kila kut jingmut ban pynhiar kput halor kane ka jingpyniap dusmon ia u David Thiek uba dang ap pahara iala ka jong ka Shnong ha ka jingwan hiar thma ka kynhun ki Meitei ia ka shnong jong u.
Ki Nongiashimbynta kila iaid paidbah lyngba ka surok Tipaimukh, surok IB nangne sha Tedim tad haduh da poi ka jaka ba buh ia ka synduk metiap ba ju shna pynsah kynmaw, kaba la tip kum ka Wall of Remembrance.
Ha kane ka prokram ba lyngkot, la ioh ruh ia ki jingkren ai mynsien na ki nongialam bad la pynbud da ki skit ba pynwandur ia kane ka jingjia.
Kat kum ka khubor, 4 ngut ki briew kila iap ha kane ka jingwan hiar thma ki Meitei kaba la jia ha ka 2 tarik bad u David u dei uwei napdeng kine kiba iap. U David ula shah pyniap ha ka por ba shah hiar thma ki shnong ki jaidbynriew Kuki-Zo ha langza bad Chinglangmei.
Pule lang ia kane: Manipur: Hadien 2 bnai duna, la plie biang ia ki skul naduh klas 1 haduh klas 8
