Shillong, Jylliew 27 : Ha kawei ka jingjia ba sngewsih, hynriew ngut ki dkhot jong kawei ka Longiing kila mynsaw kynthup iwei I Khunlung bala mynsaw jur bha hadien ka jingpom pyrkhat ia ka Iing ba ki sah ha ka miet sngi Nyngkong ha ka shnong Umsohlait, Ri-Bhoi District.
Kat kum ka khubor, ine I Khunlung iba la mynsaw jur bha, I dang don hapdeng ka jingbym tip briew ha ICU jong ka Nazareth Hospital, Shillong.
Ia ka Kmie jong ine I Khunlung la tip kyrteng kum I Kong Kristina Mynsong.
Ha kane ka jingpom pyrthat, kane ka Iing kala pluh bad shah bamduh haduh da kylla dpei.
Kine ki hynriew ngut kiba mynsaw ki kynthup ia ka Kong Kristina Mynsong kaba dei ka trai iing, Kong Martha Shadap ba 55 snem, Bah Johnsing Lynshing ba 29 snem, Baniabor Lyngdoh ba 20 snem, Kyrshanborlang Mynsong ba 11 snem, Banraplang Khongsam ba 5 snem bad I Driamizaca Shadap ba 4 snem.
Napdeng kine, lai ngut kila mynsaw jur ba kynthup ia u Bah Johnsing, Kyrshanborlang bad Driamizaca.
Pule ruh: Weng ka Sorkar ia ka hukum khang die ia ki dohkha ba wanrah nabar ka Jylla
