Shillong, Jylliew 24: U Chief Executive Member (CEM) Bathymmai jongka Khasi Hills Autonomous District Council (CEM) Bah Pyniaid Sing Syiem hynne ka sngi ula pyntip ha ka iingdorbar ba ha kaba iadei bad ka jingioh bhah ka Council na ka sorkar jylla lyngba ki marpoh khyndew, ha u snem 2021-2022 kala ioh T.21,83,13,587.00 bad ha u snem 2022-2023 kala ioh T.13,88,65,803.00 kum ka khajna.
U Bah Pyniaid ula kren ia katei haba jubab iaka jingkylli kaba la wanrah da u MDC ka Mawkynrew constituency u Martle Mukhim ha ka dorbar Lyiur jong ka KHADC.
“Ka sorkar jylla lyngba ka tnad Mining and Geology ka ju buh lypa iaka tarik ne snem ban phah ia ka khajna marpoh khyndew hynrei ka shu phah beit katkum ka jingioh pdiang iaka shithi lane ka Sanction Letter na ka district bad lada ka sorkar jylla ka phah ruh iaka pisa kam ju kdew pat la kadei naka bynta u snem ba katno” ong u bah Pyniaid.
Ula iathuh ruh,ba katkum ki kot ki sla ka District Council ka khlem ioh iaka bhah marpoh khyndew na ka bynta u snem 2020-2021.
U CEM ula ong ba ka Executive Committee (EC) ha ka 23 tarik mynta u bnai kala shimkhia ban buddien ia kane ka mat bad ka Sorkar Jylla ban pynthikna ba ka jingioh khajna lyngba ka bhah marpoh khyndew jongka District Council kam dei shuh ban don jingthud hynrei kadei ban long kaba iaid beit iaid ryntih noh.
Pule ruh: Ka Sorkar Pdeng kadei ban jubab ‘Hooid’ ne ‘Em’ ia ka jingdawa ILP ka jylla, ong u President ka KSU
 Bathymmai jongka Khasi Hills Autonomous District Council (CEM) Bah Pyniaid Sing Syiem hynne ka sngi ula pyntip ha ka iingdorbar ba ha kaba iadei bad ka jingioh bhah ka Council na ka sorkar jylla lyngba ki marpoh khyndew, ha u snem 2021-2022 kala ioh T.21,83,13,587.00 bad ha u snem 2022-2023 kala ioh T.13,88,65,803.00 kum ka khajna.){kind=link}