Imphal, Jylliew 22 : Lai ngut ki briew kila mynsaw jur na ka jingpynbthei bomb IED jong ki kynhun kaikhlaw ha ka miet sngi Balang ha Kwakta, Bishnapur District bad ki shipai kila hiar ban pynkit mar mar ia kine ki ba mynsaw sha District Hospital.
Kat kum ka jingiathuh ki Pulit, kane ka jingpynbthei bomb IED kala jia rhapoh kawei ka kali. Ki shipai kiba nang pynkhlain ia ka jingpahara ha kane ka thain ban pynthikna ia ka jingshngain jong ki nongshongshnong bad ruh ban tohkit ia kane ka jingjia.
Ka khubor na ki bor Sorkar ka iathuh ba ha ka por 7:30 baje mynmiet, kawei ka kali Scorpio ba pynieng ha ka thain Kwakta kala shu bthei kynsan bad suba jur ba dei u bomb IED.
Ki briew ba iohi ki pyntip ia kane ka kali la pynieng halor ka culvert bad u nongniah ula phet na kane ka kali hashuwa ba kan don ka jingbthei.
Ki iathuh ba ki briew kiba mynsaw ki dei kiba don marjan kane ka kali ha ka por ba ka bthei. La ong ba uwei na kiba mynsaw, u don mynta hapdeng ka jingshitom kaba jur bha.
Ha kawei pat ka jingjia, ki shipai kila ioh ban pynpra ia ka bunker ba ju pyndonkam da ki kaikhlaw ha ka thain Leimakhong kaba hap hapoh ka Imphal West District hynnin hi ka sngi.
Pule ruh:Â Tripura: Kem ki Pulit ia 2 ngut kynthup u Nong Iran, suba donkti bad ki lehnoh Pakistan
