Shillong, Jylliew 21 : U Myntri Rangbah ka Jylla hynne ka sngi Balang ula bthah ia ki bor pyniaid District ka Jylla ba kin peit pyrman bad long kiba la pynkhreh bad bala pynbeit nadong hadong ia ki jingdonkam lada dang iai bteng ka jingjur u slap ha kine ki sngi ban dang wan.
U Myntri Rangbah ula bthah ia kane ha ka jingialang shong bishar kam (review meeting) iaka jinglong ka suin bneng bad ki Deputy Commissioner ka Jylla lem bad ki Heh Ophisar jong ki Tnad bapher bapher ba kin shimkhia ia ki jingpynjulor u slap, ki lad jingiarap kynthup ia ka jingduh noh ki mynsiem briew ha Jylla
Ki Tnad kiba la shim bynta ha ka jingialang ki kynthup ia ka tnad Revenue, Disaster Management bad Food & Civil Supply nalor ki Deputy Commissioner jong baroh ki District ka Jylla.
U Myntri Rangbah ula pyntip ruh baka jingialang ka dei kaba la pynlong na ka bynta ban iakren ia ki jingdonkam ba hap ban pynkhreh na ka bynta ki sngi ban dang wan namar ka jingdon ka jingiathuh lypa b aka Jylla kan ioh ia u slap uba jur bha.
U Conrad ula ong ba ka jingialang ka long kaba seisoh bad ban pynthikna ba baroh ki Tnad bad ki Ophisar ki long kiba la pynkhreh ia ka jinglynshop u slap ba jur, ka lyer bad eriong ha ki sngi ban dang wan.
Haba kynthoh ha twitter, u Myntri Rangbah ula thoh “La pynlong ia ka jingialang bishar kam bad ki Deputy Commissioner lem bad ki Tnad ban khmih ia ki jingjulor kiba wan na ka jingslap ba khlem sangeh kynthup ia ka jingduh noh ki mynsiem briew ha Jylla. La khmih ia ki sienjam bala shim da ki District bad ban pynthikna ba kila pynkhreh ia baroh ki jingdonkam lada jia ryngkat ba wan u slap ba jur ha ki sngi ban dang wan”.
Conducted a review meeting with Deputy Commissioners and Departments to look into the damages caused by the after-effects of incessant rains including the loss of precious lives in the state.
Checked on the measures taken by the Districts & to ensure arrangements are made in… pic.twitter.com/rH93sME7F2
— Conrad K Sangma (@SangmaConrad) June 21, 2023
