Imphal, Jylliew 21: Ka Bhartiya Janata Party (BJP) kala shah tynjuh tyngeh ha ki seng sain pyrthei ba don ha ka Liang Pyrshah lem bad kiwei kiwei ki Kynhun namar ka jingiai bteng ka thma iapher jaidbynriew ha Manipur, kaba la sdang naduh ka 3 tarik u Jymmang.
Dang shen, u Myntri kam Pohiing ka Ri Amit Shah ula leit iuhkjat ha Manipur bad kular ba shen ka jingsuk kan sa wan phai noh hapoh ka Jylla.
Ka Sorkar Pdeng bad ka Sorkar Jylla kilapynlong ia bun ki jingiasyllok bad wanrah ia ki lad ki lynti ha kaban lah wanrah pat ia ka jingiasuk hapdeng ki Jaidbynriew kiba iakynad.
Ka khubor ka iathuh ba ka jinglong jingman ka dei ka bym lah satia ban batai bad kano kano ka jingjia ka lah ban mih ha kano kano ka por.
Ha kajuh ka por, ki Kynhun bapher bapher bad ki paid nongshongshnong ka Manipur kila kyntu ia u Myntri Rangbah Duh ka Ri Narendra Modi ba un tuklar lang noh ha kaban lah pynsangeh ia kane ka thma iapher jaidbynriew.
Ha kawei pat ka liang, u Sambit Patra u ba dei ka Coordination ka Party ha ka Thain Shatei Lam Mihngi, ula iakynduh ia ki Nongialam na ki seng bapher bapher kum ka jingpyrshang ban wanrah ia ka jingkyrmen jong ki paidbah ha ki nongialam ka BJP bad ka Sorkar Pdeng.
U Patra ula iakynduh ia ki MLA n aka Jaidbynriew Meitei ha ka jingleit jong ki sha Delhi ban iakynduh ia ki Myntri ka Sorkar Pdeng.
Ki don ruh katto katne ngut ki MLA kiba ngeit ba u Biren Singh um shym la ioh satia ia ka jingkyrshan kaba donkam lane ki jingai jingmut na ka Sorkar PDeng lane ka Party ban tehlakam noh ia ka jinglong jingman ha Manipur.
Kila mih ruh ki jingdawa ia ka Sorkar Pdeng ba kan pynjari noh da ka President Rule hapoh ka Jylla ia kaba la kyrshan da ka NPP bad ka Mizo National Front.
Pule ruh: Hukum u Lat ban weng kam ia ki Nongtrei Sorkar bala kynjoh 70 snem
 kala shah tynjuh tyngeh ha ki seng sain pyrthei ba don ha ka Liang Pyrshah lem bad kiwei kiwei ki Kynhun namar ka jingiai bteng ka thma iapher jaidbynriew ha Manipur, kaba la sdang naduh ka 3 tarik u Jymmang.){kind=link}