Imphal, Jylliew 19: Uwei u shipai Indian Army, ula mynsaw na ka jingshei kuli ha ka jingshah ther kuli ha ka kynhun ki riew kiengatiar ha Imphal West.
Kat kum ka khubor, kane ka jingjia kala jia ha ka shnong Chingmang ha ka shiteng miet jong ka sngi U Blei bad sngi Nyngkong.
“Ki shipai kila tehlakam ia ka jingpynphai markylliang da kaba buh hakhmat ia ka jingshngain jong ki nongshongshnong kiba don ha kane ka jaka. Uwei u shipai ula mynsaw ba shei kuli bad la pynkynriah noh ia u sha ka Military Hospital kaba don ha Leimakhong” ong ki shipai ha ka kyrwoh.
Kane ka jingshah ther kuli kala jia haka por ba ki shipai ki dang iaid flag march ha Imphal.
