Shillong, Jylliew 16 : Ka kynhun iatreilang jong ki Pulit ka West Garo Hills bad North Garo Hills, kila ioh ban kem ia arngut ki nongkhaii pisa thok (Fake Indian Currency Note) bad ioh kurup ia ka pisa thok ba kot haduh T. 10.35 lak hynne ka sngi thohdieng.
Kat kum ka jingiathuh ki Pulit, kine ki arngut ki nongkhaii ki thmu ban pyniaid iew ia kine ki pisa thok ha ki iew ba shisien shitaiew ka Ri-lum Garo.
Ia kine ki briew la ioh ban kem halor ka jingioh ia ki khubor syntiat ba ki wanrah ia ki pisa thok.
U Director General of Police (DGP) Dr L.R Bishnoi, ula iaroh ia ka kynhun ki Pulit ka Ri-lum Garo halor kane ka jingioh bat ia kine ki riew bymman kiba buh jingma ia ka jingshngain ka Ri.
Haba kynthoh ha Twitter ula ong “Haba shimkhia ia ka jingioh khubot, ka kynhun iatreilang ki Pulit ka WGH bad NGH kila ioh kem ia arngut ki snar khaii pisa thok bad ioh kurup haduh T.10.35 lak ka pisa thok na ki. Ki don jingthmu ban pyniaid iew ia kane ka pisa thok ha ki iew ba shisien shitaiew. Ka jingthwet kala iaid shakhmat ia ki briew ba iadonkti lang bad ki”.
Acting on a tip off, a joint team of @wghpolice and @NGHPolice nabbed two notorious FICN smugglers and recovered FICN amounting ₹10.35Lakh.They planned to supply the same to weekly markets. Hunt is on for their associates. Good work team. Keep it up@SangmaConrad @PIBShillong pic.twitter.com/tOt0sGS2KA
— Dr L R Bishnoi, IPS (@lrbishnoiips) June 16, 2023
Ki Pulit kila register case pyrshah ia kine ki briew bad ka jingthwet ia ki ba iadonkti lang, ka dang iaid shakhmat.
Pule lang ia kane: “La kut ka shongsuk shongsain ha Manipur” : ong u Ranjan Singh hadien ba shah wiang ding ka Iing
