Shillong, Jylliew 13: U Myntri ka tnat ri Dhokha bah A. L Hek hynne ka sngi Balang, ula pyntip ba ka tnat kan sa thaw daka Fact Finding Committee ban tih bniah halor ka hukum jong ka Commissioner of Food Safety ba kynnoh khleh dawai formalin ia ki Dohkha kiba la wanrah na shabar ka jylla.
Kane kala mih hadien ka jingiakynduh hapdeng u Myntri bad ka seng Khasi Jaintia Fish Wholesaler and Retailer Association (KJWRA) hynne ka sngi, kaba la iakren sani bha halor ka hukum jong ka Commissioner of Food Safety.
Ha kane ka jingialang, ka Association kala sei bad aiti ia ki syrnot bala ioh na Andhra Pradesh kaba la kren shai ba kam shym don satia ka jingkhleh dawai formalin ia ki dohkha ba wanrah na Andhra Pradesh.
Lah ban kdew ba ka ophis Commissioner of Food Safety ka sorkar jylla kala pynmih ia ka hukum haka 8 tarik mynta u bnai ba khang ban wanrah, pynpoi bad die iaki Dohkha ba wanrah na bar jylla namar ka jingshem ba kine ki dohkha ki dei kiba la khleh dawai formalin.
Haba iakren bad ki Nongthoh khubor, u Myntri ula pyntip ba ia kane ka Fact Finding Committee yn khlieh da u Secretary ka Tnad ri Dohkha ka Jylla bad la bthah ruh ia ka Committee ba kan aiti ia ka kaiphod jingshem hapoh katto katne sngi.
Na ka liang ka Association kala dawa ruh ia ka Sorkar ba kan phah ia ki stad sha Andhra Pradesh ba kin tohkit ia kane ka kam, ong u Myntri haba pyntip ba ka Sorkar kan sa shim ia ki sienjam ba dei ban shim lada shah ka kam.
U bah Hek ula pyntip “Halor kine ki syrnot, ka seng ki Nongkhaii dohkha kila ai jingmut ruh ba dei ban leh test ia ki dohkha hapoh ka jaka ba pynhap ia ka mar kata ha Khlieh Iewduh, Shillong”.
U bah Hek ula ong ba ka tnat ri Dohkha ka dei ban eksamin ia baroh ki jait Dohkha kiba wan na kylleng ka ri India ha jaka bala buh kyrpang kum ha Khlieh Iewduh naka bynta ban East Khasi Hills.
 hynne ka sngi, kaba la iakren sani bha halor ka hukum jong ka Commissioner of Food Safety.){kind=link}