Kem ki Pulit ia uba pyniap ia ka Heh BJP; dei uba iashongkha buhrieh

Date:

Share post:

Guwahati, Jylliew 13: Ki Pulit Crime Investigation Department (CID) ka Assam, kila kem ia uwei u briew uba suba pyniap ia ka Nongialam ka BJP ka Jonali Nath bad shem ruh ba une u briew ba kyrteng u Hasanur Islam u dei uba iashongkha buhrieh bad kane ka Heh BJP mynta la palat arsnem.

Haba iakren bad ki lad pathai khubor ha Guwahati, u DIG ka CID Debraj Upadhyaya ula ong ba une u briew ula phla ba u pyniap ia ka Jonali Nath bad bret ia ka met jong ka ha National Highway ha ka miet sngi U Blei.

Ula kam ba ula iashongkha buhrieh bad kane ka Heh BJP la arsnem bad ula dei ban iathoh shongkurim bad kawei pat ka briew. Hynrei ka Jonali kala pynpaw ia ka jingkwah ban iakynduh ia u sa shisien bad haba ula leit ban iakynduh, kala mih ka jingiania kaba jur bad poi sha u pud ba ula shoh ia ka bad ksih haban da iap. Ia kane la pynthikna ruh da ki doktor forensic.

Hadien kane, hadien ka jingiohi ba ka Jonali kala phlei snam bad iapler, ula bret noh ia ka met hajan ka National Highway, pynthikna ki heh ka CID.

Nalor lane, kala mih pyrthei ruh ba shuwa ba une u briew un leh ia kane ka kam, ula phone ruh ia u Officer in charge ka Regional Police Station bad pyntip sha u ba u kwah ban kiar noh na kane ka briew (Jonali).

Watla, la kynnoh ba u Hasanur Islam ula donkti ha kane ka jingpyniap, hynrei ka CID ka dang pynlong ia ka jingtohkit halor kane ka kam.

Lah ban kdew hangne ba ia u Hasanur Islam uba dei u trai jong kawei ka dukan jain ha Matia Bazar, Goalpara District, la kem hynne ka sngi Ba-ar.

Share post:

spot_img

Popular

More like this
Related

Phah peitngor ka Sorkar Pdeng ia ki Jylla NE namar ki kam pyntriem ki kynhun lehnoh ka Bangladesh

Guwahati, Naiwieng 07 : Ka Sorkar Pdeng bad ki...

Iatreilang ka CBC bad SMB ban wanrah ia ka khuid ka suba ha Shillong

Shillong, Naiwieng 07: Ka Central Bureau of Communication (CBC),...

Ranji Trophy | Ialehkai ka Meghalaya ha ka 2nd Inning, nang jam ka J&K shajan ka thong ban jop

Shillong, Naiwieng 07: Ka kynhun ialehkai Cricket jong ka...

“Wat tuklar ia ka jingdawa jong ngi”, dawa ki samla pule ka NEHU ia ka VPP

Shillong, Naiwieng 07 : Ki samla pule ka North...