Shillong, Jylliew 6: Ka Shillong Lajong hynne ka nsgi kala pynrem iaka Riangdo da 2-0 ha ka jingiakhun iaka Meghalaya State League 2023 kaba la long ha MDSA Ground, Mawkyrwat.
U Shano Tariang ula thep iaka kol ha ka minit kaba 55 bad u Sangti Janai Shianglong ula thep ia ka kol ha ka minit kaba 69 ha ka jingiakhun haka Group C.
Ka SLFC kaba long ka lahduh jong ka MSL ha u 2019 kala ioh rung sha ka semi phainal bad kan iakhun pyrshah ia ka Rangdajied katba ka Mawlai kan iakhun pyrshah iaka Khliehmawlieh.
Ka jingpynlong ia ka semi phainal kan long arsien kata ka ‘Home’ bad ‘Away’ bad ka jingiakhun kaba nyngkong kan sdang haka 10 tarik mynta u bnai katba iaka jingiakhun ka baar kan long haka 13 tarik mynta u bnai bad ia ka phainal yn pynlong haka 17 tarik u Jylliew ha Madan First Ground, Polo, Shillong.
Na ka bynta kitei ki jingiakhun ha ka semi phainal la pynlong da ka jingkhalai nusib haka 5 tarik u Jylliew ia kaba la wan ban sakhi da ki 4 ngut ki nongshah khot sngewbha kiba dei ki nongialehkai Football ba paw ka jylla kiba kynthup ia u Bah Redeem Tlang, Aiban Dohling, Halen Nongtdu bad u FIFA Assistant Referee Ri-iohlang Dhar.
