Nongstoiñ, Jylliew 5: Ka West Khasi Hills District kala rakhe ia ka World Environment Day da ki pro kram bapher bapher kynthup ia ka jingiathung symbai dieng bad ka jingpynkhuid shnong.
Kum shibynta jong kane ka jingrakhe, ka West Khasi Students Union Nongstoiñ pyllun kala pynlong ia ka jingthungdieng bad pynkhuid ia ka phyllaw jong ka skul Sib Singh, kaba la iashimbynta ryntih da ki Khynnah Skul bad ki Nonghikai nalor ki bor pyniaid skul.
Kumjuh ruh ka Skul Tynghor Secondary School bad ka Seng Samla Shnong kila pynlong ia ka prokram iathung dieng ha phyllaw jong ka skul kaba la iashimbynta da ki Khynnah Skul, ki bor pyniaid skul bad kumjuh ruh u MLA barim ka Rambrai Jyrngam Bah KP Pangngiang uba dei ruh u Chairman ka Managing Committee jong ka skul.
