Guwahati, Jylliew 01 : Kawei ka bos kamai ka Assam Transport Corporation kaba la pynieng ha depot ha Tinsukia District, kala kem ding kynsan kynsan hynne ka step.
Kane ka bos ka don u nombor AS12-BC-9447 bad ka jingtohkit mynta ka dang iaid shakhmat ban lap ia ki daw ka jingkem ding.
Kat kum ki khubor, la suba jur ba ka jingkem ding ka lah ban dei na ka jingthut ki waiar bording jong ka kali.
Kane ka jingjia kala jia ha ka por ba bun ki Nongtrei kila sangeh treikam ban pynpaw ia ka jingpyrshah ia ka Corporation halor ka jingthmu ban weng kam ia kiba bun ki nongtrei.
Ha ka sngi Ba-ar, ka Assam State Transport Corporation kala pyntip ba kan sa behkam haduh 771 ngut ki Nongtrei kiba la pynrung kam be-ain.
La kynnoh ba palat 2274 ngut ki Nongtrei la shu thungkam khlem da iaid kat kum ki kyndon thungkam bad kane kala jia ha ka por ba u Khagendra Nath Chetia u dang long u Managing Director ka Corporation.
