Nongpoh, Jymmang 31 : Ki paidbah na kylleng ki jaka kiba ïaid lynti ha surok bah National Highway ha Ri-Bhoi, mynta ka sngi kila muja ka tam kha bseiñ ha surok bah hadien ba kawei ka kali Mahindra kaba kit ïa kitei ki dohkha, kala kylla hapdeng ka surok ha 19 mer ha Ri-Bhoi.
Katei ka jingjia kala jia mynta ka janmiet haka por kumba 3 baje eiei ha kaba katei ka kali Mahindra kaba don ïa u number ML 05 H 3500 kala kylla hapdeng ka surok ha 19 mer katba ka dang thmu ban hiar sha Guwahati. Ki paidbah haba iohi ia kane ka jingjia kila iahiar na kali ban iatam ia ki kha bsein bad rah ei shala Iing.
