Shillong, May 26: Ka MBOSE kala pyllait hynne ka sngi Thohdieng ia ka result jong ka klas 12 (Arts) bad ka samla Larisa Lamin na ka skul Adventist Higher Secondary School, Thadlaskein, kala ioh ia ka kyrdan ba hakhlieh duh na baroh ki khynnah kiba pass ha kane ka eksam.
Ia kane ka result klas 12 la pynbna da ki Ophisar ka MBoSE ha ka jingiakynduh bad ki lad pathai khubor, kiba la pyllait pat ia ka link jong ki website na ka bynta ki samla pule ba kin ioh peit iala ka jong ka result.
Baroh ki samla pule Arts kiba la ap khmih lynti ia ka result ki lah ban khmih bad shim ia ki marksheet naka website jong ka MBoSE.
Ka Samla Larisa Lamin jong Adventist Higher Secondary School, Thadlaskein kala wan hakhlieh duh na kiba pass da ka jingioh haduh 450 marks.
Kiwei ki samla kiba la ioh ia ka kyrdan ha ka Top 10 ki long ka samla Avelyne Fransisca Khriam kaba ioh 449 mark, Deinamesha Hynniewta -446 mark, Dasukmynsiem Dkhar- 445 mark, Banpynshngain Thangkhiew- 445 mark, Arman Suchiang- 439 mark, Talinungsang Imchen -434 mark, Ankita Das-434 mark, Ankita Kar-434 mark, Aron Rapheal Diengdoh-431 mark, Phitoriakor Kharmujai- 428 mark, Daryl Elijah G Momin- 427 mark, Kelhousanyu Kuotsu- 427 mark, Riwaka Tangsong- 426 bad Mebankhraw Mark Lyngdoh Kynshi-426 mark.
MBOSE klas 12 Arts 2023: Kumno ban khmih bad shim ia ka result
1. Ki samla pule ki donkam ban leit sha ka website ka MBOSE: mbose.in or megresults.nic.in.
2. Ki samla ki lah ruh ban khmih beit beit ia ka result klas 12 na ka -megresults.nic.in bad mbose.in
