Guwahati, Jymmang 25 : Ka Railway Protection Force (RPF) jong ka Northeast Frontier Railway (NFR) kala ioh ban pyllait im haduh 42 ngut ki briew kynthup ia 36 ngut ki Khynnah na ka jingshah khaii, tang hapoh ka shitaiew na ki rel bapher bapher bad ki Railway Station.
Kat kum ka jingong ki heh ka RPF, arnut ki briew kiba donkti ha ki kam khaii ia ki briew kila shah kem.
U Sabyasachi De, Chief Public Relation Officer ka NFR ula ong ba ka RPF ha ka jingtalasi bala pynlong hapdeng ka 16 tarik Jymmang haduh 22 tarik ha ki rel bapher bapher bad ki railway station, haduh 42 ngut ki briew la ioh ban pyllait im bad la aiti ia ki sha ki Childline kat kum ki kyndon ban ai jingiada ia ki bad ruh sha ki bahaiing hasem hadien bala pynthikna.
Kane ka jingtalasi kala jia ha kylleng ki jaka ba kynthup ha Katihar, Purnea, Barsoi, Kumedpur, New Bongaigaon, Rangiya, Kamakhya, Guwahati, Mariani, Tinsukia, New Jalpaiguri, New Tinsukia bad Dimapur railway stations.
Napdeng ki 36 ngut ki Khynnahl, ki don haduh 3 ngut ki khynnah kynthei bad shynrang kiba phet nala iing.
