Imphal, Jymmang 16 : Ki shipai Assam Rifles kila leit shaw da ka helicopter haduh 96 ngut ki nongshongshnong kiba sahkut ha ka shnong Phaisenjang, kaba don ha khappud Indo-Myanmar ha Chandel District.
Ia kine baroh 96 ngut ki nongshongshnong la ai jingiarap ha ka ktem iarap ba shipor jong ka Assam Rifles kaba la buh naduh ka khie ka jingiakynad pher jaidbynriew-ka 4 tarik u Jymmang.
Namar ka jingjngai palat ka jaka na ka ktem ki shipai bad haba buh hakhmat ia ka jingaram jong ki trai shnong, ki shipai kila pyndonkam ia ka MI17 helicopter ban shaw ia kine ki briew na kane ka shnong, kiba don hapdeng ka jingma n aka jingshah ktah ha ka jingiakynad pher jaidbynriew.
