Guwahati, Jymmang 15: Ki pulit ka Dibrugarh hynne ka sngi kila ioh kurup bun bah ki drok bad kila ioh ruh ban kem ia 4 ngut ki suba nongdie drok na jingkieng Bogibeel hajan ka Dibrugarh.
Kine kiba shah kem ki kynthup u Chiranjeevi Pait, Dipankar Kutum, Baluram Dutta bad u Pabitra Kutum kiba dei ruh naka shnong Silapathar, Dhemaji.
Katkum ka jingtip, ki Pulit naka Barbaruah kila kthong iaka kali Baleno ba don ia u Nomber AS06AA 8841 ba kila ioh ban kem noh ia baroh kiba don hapoh ka kali.
Na kine kiba sahh kem, ki Pulit kila ioh kurup 174.17 grams u drok Heroin bad kila kurup ruh iaka kali Baleno.
Naka liang u Additional SP (HQ) ka Dibrugarh u Bitul Chetia ula iathuh ba ki pulit kila ioh khubor ba don ka jingkhaii drok bad naka liang ki Pulit ka Barbaruah kila kthong ia kane ka kali bad hajan ka jingkieng Bogibeel kila ioh kurup 171.17 grams u drok heroin.
La iathuh ba kine ki nongkhaii drok kidei kiba wan na Jorhat bad ki mut thmu leit sha Silapathar.
“U OC ka Barbaruah u Suman Shah ula mynsaw malum mala naka kjat ha kane ka jingkthong iaki nongkhaii drok bad kane ka kali Baleno kadei ka kali ba dang shu thied da kine ki nongkhaii ban ioh kit iaki drok” la ong u Chetia.
U Chetia ula ong ba ki nongkhaii drok kila wanrah ia u drok na Jorhat bad naka liang ki Pulit ki dang pynlong ka jingtohkit halor kane ban lap shuh shuh iaka jingshisha.
