New Delhi, Jymmang 15: U Myntri kam Pohiing ka Ri Amit Shah, ula bthah ban leh da kaba tyngeh ia kiba pynkha ia ka jingkulmar bad jingiakynad jaidbynriew ha Jylla Manipur haba kular ba ka Sorkar kan ai ka jingkyrshan ba pura ban iarap wanrah pat ia ka jingsuk hapoh kane ka Jylla ka thain Shatei Lam Mihngi.
U Amit Shah ula pynmih ia kane ka hukum hadien ki jingialang bad u Myntri Rangbah ka Jylla Manipur N Biren Singh, ki Nongmihkhmat na ka Jaidbynriew Meitei bad Kuki lem bad kiwei kiwei ki kynhun, kaba long hynne ka sngi Nyngkong ban bishar ia ki sienjam bala shim ha ka ban wanrah pat ia ka jingsuk ha Manipur.
U Amit Shah ula kular ruh ba ka Sorkar Pdeng kan shim ia baroh ki sienjam ha kaban ai ka jingiada ia ki jaidbynriew bapher bapher hapoh ka Jylla Manipur.
Ha kane ka sngi, u Myntri kam pohiing ula iakren ruh bad kine ki kynhun bapher bapher ban pynphriang ia ka khubor ka jingsuk bad kular ba ka Sorkar kan sa ai ia ka jingbishar kaba hok. Ula ban jur ruh ban pynsted wut wut ia ki kam ai jingiarap ban kham pynsting noh ia ka jingim jynjar jong ki paidbah.
Kiba la iadonlang ha kane ka jingialang ki kynthup ia 4 ngut ki Myntri ka Sorkar Manipur kiba synran ia u N Biren Singh, u MP ka Rajya Sabha.
