Guwahati, Jymmang 15: Naduh ba khie ka jingiakynad Jaidbynriew ha Manipur ha ka 3 tarik Jymmang, haduh 5822 ngut ki briew ba shah ktah ha kane ka jingia kynad kila phet sha Manipur bad shong riehtngen ha kane ka Jylla.
“Kine ki briew ki dei na ka jaidbynriew Chin-Kuki-Mizo bad la ai jaka rieh tngen ia ki ha ki jaka sah va shipor ha ki hynriew tylli ki district ka Mizoram, bad bun ruh la ai jaka rieh da ki bahaiing hasem” ong ki heh ophisar.
Ka Aizawl District ka don bun tam ki briew kiba wan riehtngen kaba kot haduh 2021, bud sa ka Kolasib district (1,847) bad Saitual district (1,790).
Haba pynpaw ba ki paid riewlum kim lah shuh ban im hapoh kane ka sorkar Manipur, ki 10 ngut ki MLA Kuki kynthup ia 7 na BJP, ha ka sngi thohdieng kila kyrpad ia ka Sorkar Pdeng ban ai noh la ka jong ka jylla da kaba phiah ia ka Manipur.
Ka jingiakynad jaidbynriew ha Manipur kala sdang hadien ka jingiaid rally ‘Tribal Solidarity March’ bala pynlong da ka ATSUM ha ki 10 tylli ki district ban pyrshah ia ka jingdawa ki Meitei ban ai jingithuh kum ki Schedule Tribe ka Jylla.
Kane ka jingkynad kala sdang na ka jing kyndang ia ki paid Kuki kiba shong shnong ha ki khlaw reserve, kaba lam sha ka jingiakhih.
Pule lang ia kane: Shah khot hajir u CM ka Manipur sha Delhi namar ka jingkulmar ba ishyrkhei ha Jylla
