Shillong, Jymmang 13 : Ka United Democratic Party (UDP) kala ioh ia ka jingjop ha ka elekshon MLA ha Sohiong bad tam ia u kyrtong ka NPP bad MLA barim uba wan ba-ar da 3422 vote.
Ha ka jingniew vote hynne ka sngi, u kyrtong ka UDP Bah Synshar Kupar Roy Thabah ula jop ia kane ka elekshon da 3422 vote. U Bah Synshar ula ioh 16679 vote katba u kyrtong ka NPP Bah Samlin Malngiang uba wan ba-ar ula ioh 13257 vote.
U kyrtong ba wan ba lai u dei jong ka Congress Bah S Osborne Kharjana uba la ioh 1762 vote.
Haduh 32161 ngut ki nongthep vote kila thep ia ka vote jong ki ha ka 10 tarik Jymmang kaba kot haduh 91.87 %.
Ia ka elekshon ha Sohiong la pynkynriah hadien ka jingkhlad kynsan jong u Myntri kam Pohiing barim bad kyrtong ka UDP Bah HDR Lyngdoh ha ka 20 tarik Rymphang.
Da kane ka jingjop, ka jingdon MLA jong ka UDP hapoh ka Iingdorbar ba 60 ngut ki Dkhot kala kot ia ka 12 ngut.
