Guwahati, Jymmang 05 : Ka Sorkar Nagaland kala buh mynta ia ki helpline number na ka bynta ki nongshongshnong ka Jylla bad la pynkhreh ruh ia ki jingdonkam baroh ban leit shaw ia ki paid Naga kiba kwah wan phai iing na Manipur
“Ka Sorkar kala peitngor bha ia ka jinglong jingman ka suk ka sain ha Manipur bad ia ka jingshngain bad jingiada ia ki briew na Nagaland kiba don mynta ha Manipur bad ha Imphal” ong ka kyrwoh na ka tnad kam pohiing ka Nagaland.
Kino kino kiba donkam ia ki jingiarap la bthah ba kin phone sha ka State Police Control Room, Kohima lyngba u phone nombor 3702242511, Fax: 0370 2242512 lane Mobile/ Whatsapp: 08794833041 lane email: spcrkohima@gmail.com bad ka NSDMA helpline numbers: 0370 2381122/0370 2291123.
Kumba hynriew ngut ki briew kiba mynsaw ha ka jingiakulmar ba jia ha Imphal, kila wan poi ha Kohima bad kila don mynta ha ki jingsumar ha kylleng ki Hospital.
Ka Sorkar Manipur ha ka sngi Palei kala pynmih ia ka hukum ban siat naphang ha ki khep ba ym lah tehlakam shuh ia ka jingnang pur ka jingiaumsnam hapoh ka Jylla hapdeng ki riewlum bad ki hehpaid Meitei, kaba la pynphet wir ia palat 9000 ngut ki briew nala ki jong ki shnong ki thaw.
Pule lang ia kane: Byrngem sdang iakhih ka VPP hadien ka jingpynshai paidbah halor ka Reservation Policy
