Dibrugarh, Jymmang 2:Uwei u briew ula iap ha ka jingther u phria hynne ka janmiet sngi Ba-ar ha ki thain Dibrugarh, Upper Assam, kaba la wanrah ia ka jingjulor kaba klai bha hapoh ka thain.
Kane ka jingther u phria kala jia naduh ka por 5:30 baje janmiet. Une u briew ba iap u dei uba shah ban ha u dieng ha ka thain Moran. Ia une u briew la tip kyrteng da u Sukeswar Gagoi, uba dei na Moran.
Bun tylli ki dieng bad ki post elektrik kila shah jynrat ha kane ka District namar kane ka jingther u slap uba la wan ha ryngkat ka lyer kaba jur.
“Ka jingther u phria kala sdang long ka jingjia ba man ka por ha Dibrugarh. Dang ha kine ki khyndiat sngi, ngi la sakhi ia artylli ki jingther phria ha Dibrugarh ha kaba bun ki dieng bad ki post elektrik kila shah pynjulor” ong ki heh Sorkar.
Ki jaka kiba la shah ktah jur eh ki dei ka West Revenue Circle, Moran, Tingkong, Dibrugarh East ha kane ka jingther u phria.
