Shillong, Iaiong 12: Ka Dalu Cricket Association kala jop haka jingialehkai Cricket jong ka Inter Club Cricket Tournament 2022-23 Division B jong ka thain Garo Hills daka ba pynliem iaka Guare da 45 runs ha Tura West Garo Hills.
Ka TDCA kala pynlong iaka Inter Club Cricket Tournament 2022-23 Division B naduh u bnai Kyllalyngkot haduh 12 tarik mynta u bnai bad ha kane ka jingiakhun kila don 21 tylli ki Club ba kylleng ka thain Garo Hills.
Haka jingiakhun Final, ka Guare Cricket Association kala ia kynduh pyrshah iaka Dalu Cricket Association bad ka Dalu hadien bala jop iaka jingiakynting pisa kala jied ban tied nyngkong ba kala ioh ban kamai 113/10 haka 24.1 overs.
Haba beh iaka thong, ka Guare kala lah ban kamai tang 88 bad hap lut baroh 10 ngut ki nongtied haka 22.1 overs bad naka liang ka Dalu kala jop da 45 runs.
Iaka khusnam Star of the Match, la ioh da u Ravin Dokgre u ba la ioh khur haduh 5 wickets haka 4.1 overs ha ka ba ula ai 4 runs, u Chillian Sangma jong ka Dalu CA ula ioh iaka khusnam Best Bowler, u Jongkam Marak jong ka Dalu CA ula ioh iaka khusnam Player of the Tournament bad u Mingku Marak jong ka Balachanda CA ula ioh aika khusnam Best Batsman.
Lah ban kdew ba ka TDCA ka pynlong iaka Inter Club Cricket Tournament man u snem kum shi bynta ban kyntiew iaki samla ka thain kiba donsap haka jingialehkai Cricket naka bynta ban sei ruh iaki rang ialehkai ha ki jingiakhun ba heh kum ka Syed Mushtaq Ali Trophy, Vijay Hazare Trophy, Ranji Trophy, CK Nayudu Trophy bad kiwei kiwei de.
Pule lang ia kane: Khlad I Khunlung ba 6 bnai ba ur ka Kmie ha dpei ding
