Shillong, March 25: Ka 2nd NTPC National Ranking Archery Tournament 2023 kaba la pynlong da ka Archery Association of Meghalaya, hapoh ka lama jongka
Archery Association of India kala long ha SAI Training Centre, NEHU naduh ka 19 haduh ka 28 tarik u Lber 2023.
La sdang ia kane ka jingiakob da ka jingplie paidbah ha ka 20 tarik u Lber ha kabaki nongsiat khnam kiba pawnam ka ri kila wan ban iashimbynta.
Ha kane ka lympung iakob, ki nongsiat khnam kila iahsimbynta ha ka kyrdan Recurve bad Compound naka bynta ki Junior Men bad Women.
Ha ka Recurve (Men), u Devraj Mohapatra ula wan ha ka kyrdan kaba nyngkong da kaba ioh khur 623 point katba u Rampal Choudhary ka Rajasthan bad u Dhruv Bagga na Delhi kila iakadi bad ioh mar 613 point.
Ha ka Junior Compound (Men) ka jingiakhun kala long kaba itynnad bha, u Chirag Vidyarthi na Madhya Pradesh u dang tam (lead) da kaba ioh iaka 700 point, u Abhi Khatri ka Delhi ula ioh 697 point bad u Parth Sunil Korde ka Maharashtra ula ioh khur 687 point.
Ha ka Junior Recurve category (Women), ka Ruma Biswa na West Bengal kala tam da kaba ioh 634, ka Bhagora Bhargavi Vargishkumar ka Gujarat kala wan baar da kaba ioh 633 bad ka Sonya Thakur jongka Madhya Pradesh kala ioh 626.
Ha ka Junior Compound Category (Women) ka Kasal Rutuja Parmeshwar jongka Maharashtra kala tam da kaba ioh 667, ka Nikita Dagar na Madhya Pradesh kala ioh 651 bad ka Saloni Kirar ka Madhya Pradesh kala ioh 642 point.
Ka Final jong ka 2nd NTPC National Ranking Archery Tournament 2023 kan kut haka 28 tarik u Lber ha SAI Training Centre, NEHU, Shillong.
