Dimapur, Rymphang 20 :U Myntri Rangbahduh (PM) Narendra Modi un pynlong ka jingleit jurip sha Nagaland ha ka 24 tarik mynta u bnai ha kaba un ai ruh ia ka jingkren paidbah ha Dimapur shwa ka jingpynlong ia ka ilekshon assembly ha ka jylla.
Katkum ki khubor, u PM Modi un ai ia ka jingkren paidbah khnang ban nang pynkhlain ia ki jingialap na ka bynta ka party shwa ka jingpynlong ia kane ka ilekshon ha Nagaland.
Nalor kane, u PM Modi un ai ruh ia ka jingkren paidbah ha kiba bun tylli ki jingialang jong ka sorkar synshar BJP – NDPP ha kane ka jylla.
Na ka liang ka BJP bad ka NDPP ki la poi sha ka jingiasngewthuh jingmut ban bteng ia ka jingiateh ha kane ka ilekshon ka ban wan, kata shibynta jong ka jingiamynjur ha kaba iadei bad ka jingiabhah seat hapdeng jong ki, ha kaba ka BJP kan ia aireng na ki 20 tylli ki assembly seat, katba ka NDPP kan bteng ban ia aireng na ki 40 tylli ki seat kiba sah.
