Nongstoin, Rymphang 17 : KI Pulit ka Nongstoin Police Station, kila kem ia uwei u briew uba suba donkti ha kaban leh be-ijot bad pyniap ia kawei ka Longkmie dang ha kine ki khyndiat sngi ha Phodkynthei jong ka shnong Riangpoit Thymmai, West Khasi Hills.
Une u briew ba kyrteng u Langbor Puwein ba 40 snem, la kem hynne ka sngi thohdieng da ki Pulit ka Nongstoin bad la pynngat ia u ha ka kyndon 376/302 IPC. Ka jingtohkit mynta kala iaid shakhmat ban lapdien ioh dang don kiwei pat ki briew ba iadonkti lang.
Lah ban kdew hangne ba kane ka Longkmie kala shah pyniap ha ka 14 tarik Rymphang katba ka dang mih na iing ban leit sha ka jaka thang rnga kaba don ha kawei ka khlaw ba marjan ka shnong.
