Pynkut ka Iingkashari ia ka mukotduma u Bah Teibor Pathaw halor ka EPF ki Nongtrei

Date:

Share post:

Leit pyntip u Bah Teibor sha u RO ba la khuid na ki mukotduma

Shillong, Rymphang 13 : Ka Iingkashari Meghalaya High Court kala pynkut noh ia ka mukotduma pyrshah ia u Kyrtong ka NPP na Mawlai Bah Teibor Pathaw kaba iadei bad ka jingpynsahteng ban siew ia ka Employees Provident Fund (EPF) ki Nongtrei ha ki snem bala lah.

U Bah Teibor uban iakhun ia ka elekshon MLA-2023, ula leit ban pyntip ia kane ka hukum ka Iingkashari hynne ka sngi ka 13 tarik Rymphang, sha u Returning Officer ka Mawlai Constituency, ban pyllait noh ia u na ka thup jong ki kyrtong kiba don mukotduma ne kam sniew.

Katkum ka jingiathuh u Bah Teibor Pathaw kane kadei ka mukotduma ka dei halor ka EPF jong ki nongtrei kaba la mih ha ka por ba u dang pyniaid ia kawei ka agency. Ula pyntip ba ia kane ka kam lah dep ban pynbeit noh ha u snem 2018, hynrei namar ba ka kam kala poi sha ka ïingbishar, ula hap ban ap ia ka hukum ba khatduh jong ka ïingbishar .

U Bah Teibor u pyntip ba ka Iingkashari kala pynkut ia kane ka mukotduma ha ka 10 tarik mynta u bnai.

Lah ban kdew hangne ba ka Election Commisson of India (ECI) kala buh ia ka kyndon ba bthah ia ki seng sain pyrthei ba ki dei ban pynbna paidbah ia ka jingdon jong ki kyrtong kiba don mukotduma.

“Ka dei ka kamram jong nga ban leit pyntip sha u RO khnang ba un weng noh ia nga na ka thup jong ki kyrtong ba dang don mukotduma bad ba nga khuid na baroh ki jingkynnoh” ong u Bah Teibor.

Halor ka jingshah kynthoh ha ki kyrtong ba iakhun pyrshah ha ka election, u Bah Teibor u la kyrpad ia ki paralok ba iakhun pyrshah ba kin sngewthuh ia ka rai jong ka High Court, bad maham ba nangne shakhmat lada ki dang bteng ban kynthoh khlem ka jingshisha, un sa leh ia kaba dei ban leh katkum ki kyndon aiñ.

Share post:

spot_img

Popular

More like this
Related

Elekshon MDC | Pynbna ka BJP ia 14 ngut ki kyrtong na KHADC bad 3 ngut na JHADC

Shillong, K’lyngkot 21 : Ka Bharatiya Janata Party (BJP)...

Catholic Association of Shillong condemns arson attack on Church in Assam

Shillong, Jan 20: The Catholic Association of Shillong Archdiocese...

Wan jurip u Match Commission ka AFC ia ka JN Stadium ban pynlong ia ka AFC Asian Cup 2027

Shillong, Jan 20: U Match Commissioner ka Asian Football...

Kut jingmut ka Sorkar ban buh hakhmat eh ia ki Samla ha ka jingthaw polici : Conrad

Palat 300 ngut ioh khusnam ki samla pule da...