Agartala, Rymphang 07 : U Myntri Rangbah (CM) ka Assam u Himanta Biswa Sarma mynta ka sngi 7 tarik u la kynthoh pyrshah ia ka CPI(M) bad ong ba lane kan wanphai ha ka bor, baroh ki kam pynroi ha ka jylla kin sahkut.
“Lada ka (CPI)M) kan wanphai ha ka bor, kumta ruh baroh ki kam pynroi ha ka jylla kin sahkut lut baroh,” ong u Sarma haba kren ha ka rally paidbah ha Sonamura, Tripura.
Nalor kata u la kynthoh ruh ia u heh nongialam ka TIPRA Motha, u Pradyot Bikram Manikya Deb Barma halor ka jingdawa ia ka ‘Greater TIPRA land’ bad ong ruh ba u kpaieit jong u um ju dawa ia kaba kum kane ka jingdawa ka jong u?
U la pynkynmaw ruh ia u Pradyot ba ka jingdonkam ia kino kino ki kam pynroi na ka bynta ki nongshong shnong kiba dei ki riewlum ha ka jylla dei ban iaid lyngba ka sorkar BJP, bad kumta kam donkam ia kata ka ‘Greater TIPRA land.’
“U Pradyot u la kyntu ban pyndep ia ki jingdawa ki jong u na ka bynta ka ‘Greater TIPRA land’ hynrei ia kaba Nga la jubab ba kane kan ym lah ban long.Hynrei, watla katta kumba long ma u, ngi ruh ngi sngewkhia ha kaba iadei bad ka roi ka par jong ki trai shnong riewlum ka jylla.Ia ki kam pynroi yn leh da ka BJP,” ong shuh shuh u CM Sarma.
Haba kdew halor ki kam pynroi ba la leh ha ka jylla da ka sorkar ba la lamkhmat da ka BJP, u Sarma u la kam ba hapoh ka jingialam jong u Myntri Rangbahduh (PM) Narendra Modi baroh ki Hindu bad ki Muslim ki la sakhi ia ka roi ka par.
