Shillong, Rymphang 02 : Ka Central Election Committee (CEC) ka Bharatiya Janata Party (BJP) hynne ka sngi palei, kala pyllait ia ka thup kyrteng jong ki 60 ngut ki kyrtong ki ban mih aireng ha kane ka elekshon MLA-2023, ka ban long ha ka 27 tarik u Rymphang.
Nalor ki arngut ki MLA, Bah Sanbor Shullai na South Shillong bad Alexander Laloo Hek na Pynthorumkhrah, u President ka BJP-Meghalaya Bah Ernest Mawrie, u dei u kyrtong ban mih aireng na West Shillong Constituency.
Kiwei pat ki MLA ba dang shu iehnohkam shen ba kynthup ia u Bah Himalaya M Shangpliang ula ioh ia ka ticket ban aireng na Mawsynram, u Benedict R Marak na Raksamgre, ka Ferlin CA Sangma na Selsella.
Ka BJP kala sei haduh 6 ngut ki kyrtong kynthei ki ban aireng ha kane ka elekshon bad kine ki dei ka kong Marian Maring na Nongpoh, Riya Sangma na Jirang, kong Arena Hynniewta na Shella, Darikmen L Marshillong na Mawthadraishan, Bity Jyrwa na Mawkyrwat bad ka Ferlin C A Sangma na Selsella.
Na North Shillong Constituency, kaba baroh ki phaikhmat ban tip mano ba ioh ia ka ticket, ka Central Election Committee ka BJP kala jied ia u IPS Ophisar Bah M H Kharkrang uba dei ruh u nongaiktien, ban long u kyrtong.
Kiwei kiba kham paw ki kyrteng ha kane ka thup ki dei u MLA barim Martin M Danggo (Ranikor), u MDC na Ri-Jaintia Bah Lakhon Biam (Raliang), Highlander Kharmalki kyrtong ka Congress ha ka elekshon shiteng samoi (Mawryngkneng), MDC barim ka Sohryngkham Bah David Kharsati (Nongthymmai), bad MLA barim ka Nongstoin Bah Diosstarness Jyndiang .(Nongstoin).
Ka thup kyrteng jong ki kyrtong ki long kumne harum
