Shillong, K’Lyngkot 18: Kumba 500 ngut ki National Cadet Corps (NCC) na kylleng ka ri India kila wan shim bynta ha ka trekking expedition hapoh Meghalaya iaka ba ai kyrteng ‘NER Trek 1’.
Ia kane ‘NER Trek 1’ la pynkut ha Shillong hynne ka sngi ryngkat bad ki prokram bapher bapher ha kaba kine ki cadets kila pyni nam ruh iaka riam, ki jingrwai, jingshad tynrai jong ki jylla la jong.
Ha shwa ban pynkut Ia kane ka ‘NER Trek 1’ kala don ruh ka jingthang dieng bad bom kum shi bynta ban lehkmen.
Ka thong jong kane ka ‘NER Trek 1’ kadei ban pyntbit iaki samla ha ki bun bynta bad kumjuh ruh ban ia phylliew jingmut halor ka jingithuh tynrai jong ki jylla ka ba kine ki samla ki wan bad kumjuh ruh ban wanrah ka jinglong kawei hapeng kine ki samla kiba wan shim bynta ha ka NER Trek 1.
Ha kane ka sngi la wan shim bynta ruh da u Commissioner Secretary ka sorkar jylla u Dr. B D R Tiwari, u Registrar ka skulbah NEHU u S K Dixit bad kiwei ki ophisar ka NEHU bad na ka NCC NER Directorate bad NCC Shillong.
