Guwahati, K’lyngkot 17: U DGP ka Assam u Bhaskar Jyoti Mahanta ula ong ba ki kam pyntriem pyrshah ia ki kynthei ha ka jylla ia kaba la sakhi ba ka dei kaba heh tam hapoh ka ri ha kine ki san snem kiba la leit noh kila hiar kynsan haduh jan kumba 60 percent ha une u snem ba la dep.
Haba kren sha ki lad pathai khubor, u DGP Bhaskar ula ong“Ka Assam ka la sakhi halor ka jingdon haduh 12,034 ki case kam pyntriem pyrshah ia ki kynthei ha u snem 2022.Mynta kine ki case ki la hiar kynsan haba ia nujor bad ki snem kiba la dep.
Katkum ka kaiphot na ka tnat National Crime Records Bureau (NCRB), ki kam pyntriem pyrshah ia ki kynthei ha Assam ha u snem 2021 ka long 168.3, kaba kham heh haba ia nujor ba ki kam pyntriem hapoh ka ri kaba long da 64.5. Ka Delhi la shim ba kadei kawei na ki jaka ka bym shngain na ka bynta ki kynthei bad kaba wan ha ka kyrdan kaba ar da 147.6 ki case bad bud sa ka Odisha ha ka kyrdan kaba lai kaba long da 137.8.
“Namar ka jingthaw ia ki tnat treikam kiba kyrpang na ka bynta ki kynthei ha ryngkat ka jingiatreilang bad ka Tata Institute of Social Sciences (TISS), kumta ruh ki kam pyntriem pyrshah ia ki kynthei kila hiar arsut.Ka jingiatreilang da ki kynhun kiba ia don bynta kum na ka tnat pulit ka Assam, ka tnat social welfare, ki seng bhalang bad ka jingpynlong ia ki prokram jingpynshai paidbah ruh ki la long ki daw kiba la lah ban pynduna ia ki kam pyntriem pyrshah ia ki kynthei,” kam u DGP.
Nalor kata u la ong ruh, “Ki kam pyntriem hapoh Assam kiba long kumba 366 tylli ki case hapdeng kumba 100,000 ngut ki nongshong shnong mynta ka la hiar sha ka 200 hapdeng ki 100,000 ki nongshong shnong namar ka jinglah ban shim ia ki sienjam bapher bapher da ka tnat pulit ka Assam.
