Shillong, K’lyngkot 12 : Ki Pulit ka East Jaintia Hills, hynne ka sngi palei kila ioh ban kem ia 4 ngut ki briew kiba khaii droks bad ioh ban kurup haduh 1.2 kilo u yaba tablet na ka kali ba ki shong.
Kine ki saw ngut ki dei u Sajul Islam, Jabir Hussain Barbhuiya, Ratikul Islam Barbhuiya bad u Abdul Mohit Barbhuiya.
Kat kum ka jingpyntip ki heh Pulit, ia kine ki briew la ioh ban kem ha ka jingkhynra bala pynlong da ka Ratacherra Check Post bad ka Umkiang PPP hapoh ka jingkhmih jong u Addl SP ka EJH Bah B Jyrwa.
Na kine ki briew la ioh ban kurup ia kawei ka Maruti Alto ML11-3832 ba ki pyndonkam bad saw tylli ki mobile.
Ia kine ki briew la register case bad la pynngat ia ki hapoh ka kyndon NDPS act. Ka jingtohkit mynta kala iaid shakhmat ban lap ia kiwei pat ki briew kiba donkti.
