Dimapur, K’lyngkot 06 : Haduh 18 ngut ki shipai Border Security Force (BSF) kila mynsaw hadien ba ka bos ba ki shong, kala hap shapoh ka riat ha Wokha, Nagaland, hynnin ka sngi palei.
Kat kum ka khubor, kane k abos kaba don jaka shong haduh 42 tylli, kala hap shapoh ka riat kaba jylliew bha. Haduh 41 ngut ki BSF kila don ha kane ka bos ha ka por ba jia kane ka jingjia ha Wokha District.
Kine ki shipai BSF ki dei jong ka 62 battalion, ong ka khubor haba iathuh ba kine ki 18 ngut ki shipai ba mynsaw ki don mynta hapdeng ka jingsumar ha Hospital ka Wokha.
“Kane ka bos ka la hap shapoh ka riat ba jylliew kumba 50-60 phut eiei bad kala sahkut ha ki dieng. Ki Pult SSB ki don ha lyndet jong kane ka bos bad mar mar kila leit ban iarap bad kila sei ia baroh 41 ngut ki shipai ba sahkut ha kane ka bos bad la pyntah ia ki dawai dashin ia ki shuwa ban rah sha hospital” ong ki Pulit.
Ia ki shipai ba mynsaw la pynkit noh mar mar da ki kali sha ki PHC ba marjan bad ki Hospital ha ka District.
