Nongstoin, Nohprah 21 : Ka Iingkashari Special Judge (POCSO) ka West Khasi Hills kala hukum ban set phatok haduh 6 snem ia uwei u Nongleh beijot uba leh ia kane ka kam bymman pyrshah ia iwei I Khynnah ha ka shnong kaba hap hapoh ka Nongstoin Police Station.
Une u runar u dei uba tip kyrteng u Phering Lyngkhoi bad la pynngat ia u ha ka jingpynsajia kat kum ki artylli ki kyndon jong ka POCSO bad ka IPC.
Kat kum ka kyrwoh na u Superintendent of Police ka West Khasi Hills ba hynne ka sngi Balang, ka Iingkashari kala pynmih ia kane ka hukum naduh ka 7 tarik Nohprah.
Kane ka kam leh beijot ka dei kaba la jia naduh u snem 2018 bad la register case ia ka ha Nongtoin Police Station kat kum ka case no 52(06)2018 hapoh ka kyndon 5(m)/6 POCSO Act.
Ula pyntip ba ka Iingkashari kala hukum set phatok haduh 5 snem ia une u runar hapoh ka kyndon 10 jong ka POCSO Act lem bad ka kuna kaba T.10,000. Nalor kane la hukum ban set sa 1 snem ha phatok hapoh ka kyndon 363 IPC lem bad ka kun aba T. 1000.
