Shillong, Nohprah 21: Kum shi bynta ban kyntiew iaka sap jong ki paidbah ka jylla Meghalaya, ka Symbol of Sneh Society (SOSS) hynne ka sngi kala pynbna ban pynlong ia ka rynsan iakop pyni ia ki sap ki phong ba ki nong shong shnong ka jylla ki don daka North East Sustainable Fashion Show 2023 ha nongbah Shillong.
Haba kren sha ki lad pathai khubor ka nongseng iaka Symbol of Sneh Society (SOSS) ka Preeri Thapa kala pyntip ba iaka Audition yn sdang ha ka 28 tarik mynta u bnai ha Youth Hostel bad baroh ki riew kynthei ki lah ban wan shim bynta.
Ka Preeti Thapa ka la ong ba kane kadei ka sien ba nyngkong ban pynlong kum kane ka jingiakop bad ka thong jong kane ka North East Sustainable Fashion Show 2023 ka long ban ailad ïa ki samla, ki longkmie ban ïashim bynta ha kane ka jingiakop pyni riam.
“Nalor ka jingiakob pyni riam kane ka North East Sustainable Fashion Show 2023 kan long kham pher ha kane ka jingiakop namar kan don ka jingai jinghikai lyngba ka jingpyni riam ïa ka jingdonkam jong ka Vote jong uwei pa uwei u nongshong shnong ka jylla Meghalaya” la ong ka kong Preeti.
Ka kong Preeti ka la iathuh ruh ba ha kane ka North East Sustainable Fashion Show 2023 kan don ruh ka jingai jinghikai halor kumno ban pynneh ïa ka mei mariang lyngba kane ka rynsan ïakop pyni riam.
Kala iathuh ba ki paidbah kim donkam ban siew ban shim bynta ha kane ka North East Sustainable Fashion Show 2023 hynrei ki donkam ban siew tang T.150 haka por ba ki wan pynrung kyrteng ban shim bynta ha ka Audition.
