Dimapur, Nohprah 18: Kawei ka trok kaba wan na ki bynta ka Manipur ka la shah thang noh ha Nagaland hynnin ka sngi Saitjain.
Kane ka jingjia ka la wan jia hadien ba ka la don ka jingkhang pyrshah da ka seng Southern Angami Public Organisation (SAPO) ia ka jingwanrung ki jaidbynriew Mao ka Manipur sha ka thain shathie kaba bun ki nongshong shnong kiba dei ki jaidbynriew Angami ha Nagaland naduh ka 15 tarik mynta u bnai.
Kane ka jingjia ka la jia ha ki bynta jong ka Vishuma ka ba happy hapoh Khuzhama police station, Nagaland.
Katkum ka khubor pulit, ki briew ia kiba la ngeit ba ki dei ki dkhot jong ka Southern Angami Youth Organisation (SAYO) ki la khynra ia ki kot ki sla jong baroh ki trok kiba wan napoh Imphal bad bat noh ia kawei ka trok ka ba dei jong u dkhot nongshong shnong na ki jaidbynriew Mao.
Khan hadien la ong ba ki dkhot jong ka SAYO ki la thang noh ia katei ka trok.
Ka kynhun ki heh sorkar hapoh ka jingialam jong u MLA u Losii Dikho ha ryngkat ki heh pulit ka Manipur nalor u Home commissioner ki la wan ban bishar bniah hal or ka jinglong jingman.
Ha ka 7 tarik mynta u bnai, ka SAPO ka la pynbna ia ka jingkhang pyrshah ban pynphai kylliang hal or ka jingbanbor beain da ka Mao Council bad ka sorkar Manipur ha ka ja ka ka ba don hapdeng ka jingiakynad hapoh Kezoltsa ha ki bynta khappud ka Manipur – Nagaland.
