Guwahati, Nohprah 12 :Ha kawei na ki jingjia kaba la pynkyndit ia kiba bun balang, ka kynhun ki runar niah thuk thuk jong ki khynnah kiba dang khie samla ia kaba la tip kum ka “Gangs of Devil” napoh Dhubri district ka Assam kila thep ia ka dur video lyngba ka social media jong ki bad iathuh ba ki dkhot jong ka kila pyniap ia kawei ka longkmie da kaba tynrah da ka thuk thuk.
Ki tyllong khubor kila kam ba uwei napdeng kine ki runar jong kane ka kynhun ula ula tynrah da ka thuk thuk kaba ula pynher sted bha pyrshah kawei ka longkmie kaba kyrteng ka Sakina ha Bilasipara kaba la pynlong ia kane ka briew ba kan khlad noh hashen.
Uwei da ki dkhot jong kane ka kynhun runar ula leit lyngba ka social media da kaba ong; “Une u nongniah thuk thuk jong kane ka kynhun ula pyniap ia kawei ka longkmie bad lait noh tang hapoh 10 minit na ka jaka set jong ki pulit.” “Kane ka dei ka bor jong kane ka kynhun “Gangs of Devil” bad mynta ngi dang don hapdeng ka jingialehkmen,” ong kane ka kynhun.
Mynta ka jingiakynad kala kyan ha kane ka jaka namar ki jingjia kiba la wan jia lyngba ki kam leh donbor jong ki kynhun runar niah thuk thuk kiba la pyniap ia kawei ka longkmie bad lait suk na ka jaka set jong ki pulit tang hapoh ki khyndiat minit.
Kane ka jingjia kala wanrah ruh ka jingsngewkhia kaba jur ha kaba iadei bad ka jingtreikam ki bor jong ka ain bad halor ki kam thombor pyrshah ia kane ka longkmie kaba la duh ei la ka jingim namar kine ki kynhun runar.
Ha kawei pat ka bynta, ka video ba la pynsaphriang da katei ka kynhun runar kala saphriang lyngba ki social media ha kaba kiba bun na ki nong pyndonkam social media kila dawa ban kem mardor ia kine ki runar kiba bun jingma ia ka imlang ka sahlang.
