Shillong, Nohprah 05 : U Myntri Rangbah ka Jylla Conrad K Sangma hynne ka sngi nyngkong, ula pynurlong sa ia ka jingangnud jong ki paidbah ka Jengjal kaba jngai kumba 32 Km na Tura da ka jingplie paidbah sa ia ka Jengjal C&RD Block ha ka jingiadon ryngkat u MLA ka thain bad Myntri ka Koit ka Khiah James K Sangma.
Keeping up with the hopes and aspirations of the people, we inaugurated West Garo Hills’ 4th Civil Sub-Division- the Jengjal Civil Sub-Division today with Hon’ble Minister & MLA of the area, Sh. @JamesSangma1 & other dignitaries pic.twitter.com/qb0AUE5DOr
— Conrad Sangma (@SangmaConrad) December 5, 2022
“Kane ka sngi kan dei ka sngi ban kynmaw da ki paidbah da ki snem. Ka jingpynkha ia ki Sub Division ba thymmai bad ki C&RD Block kan plie lad ia ka Sorkar ban wanrah ia shibun ki kam ki ban ai jingmyntoi bad ai jingshakri kat kum ka jingdonkam ki paidbah bad kin pynthikna ruh ia ka jingshakri bas ted jong ka Sorkar” ong u Myntri Rangbah.
Haba niew ia kane ka sngi kum uwei pat u mawmer ka Sorkar MDA, u Myntri Rangbah ula ong “Ka jingthmu ba hakhmat eh haba pynkha ia ki Block bad Sub Division da kane ka Sorkar ka dei kaba la mynjur bad buh hakhmat eh ban pynthikna ia ka jingjan ki bor sorkar sha u paidbah naba bun ki jingshakri ka Sorkar lah ban ioh lyngba kine ki Ophis”.
Haba pynpaw ba ka Sorkar kala treikam kat kum ka jingiohi jngai jong u (L) Purno A Sangma, u Conrad ula ong “Ka Jengjal ka dei kaba don hapdeng eh ka Ri-lum Garo bad namar ka jinglong jingman ka jaka, u (L) PA Sangma u kwah ban wanrah iashibun ki kam ha kane ka jaka. Watla um shym iadonlang shuh bad ngi ha kane ka sngi hynrei ka Sorkar kala iaid kat kum ka jingiohi jngai jong u ban kyniew ia ka jingim jong ki briew jong ngi”.
Ula ong ruh ba ka jingpynkha ia ka Jengjal C&RD Block kan plie lynti ia ki kam pynroi bapher bapher, ha kaba ia ki jingtip ba bniah yn sa pynbna shen naba bun ki project ki dang don hapoh ka jingpynkhreh.
Ha kane ka sngi, u Myntri Rangbah ula buh mawnongrim ruh ia ka project “Integrated Health Complex” ha Jengjal, ka ban trei ha ka jingpynlut ba T. 32 klur. Kan dei kawei na ki jaka ai jingsumar ka ban don ia ki lad ai jingsumar ia ki jingpang bapher bapher.
Foundation laid for the Baljek Integrated Health Complex at Jengjal with a financial outlay of ₹32 Crores.
This sustainable healthcare facility will provide specialized healthcare services to Garo Hills region.@mansukhmandviya @SELCOFoundation @NHMMeghalaya pic.twitter.com/ZgVMtGrBSx
— Conrad Sangma (@SangmaConrad) December 5, 2022
U Myntri Rangbah ula shim ruh ia ka kabu ban pynpaw ia ka jingsngewnguh bad kitbok ia ki Nongrep, kiba la wan iashimbynta ha ka prokram ha Jengjal na kylleng ki bynta jong ka Jylla, ha kaba la rakhe ruh ia ka Meghalaya Farmers Day. Ha u snem 2019, ka Sorkar Jylla kala pynbna ia ka 4 tarik Nohprah kum ka Meghalaya Farmers Day hynrei ia kane ka jingrakhe la pynlong hynne ka sngi.
Celebrating Meghalaya Farmers’ Day together with our farmers, the biggest single-day financial sanction of ₹26 Crores made to 53981 producers across Meghalaya through FOCUS+ scheme by the click of a button in Jengal today@narendramodi @nstomar @AgriGoI pic.twitter.com/BBZRnapDc1
— Conrad Sangma (@SangmaConrad) December 5, 2022
Ha kane ka jingrakhe, u Myntri Rangbah ula sam ruh ia ka skhim Focus Plus sha ki 60000 tylli ki longiing nongrep kaba kot haduh T. 30 klur lyngba ka Direct Benefit Transfer (DBT).
