Shillong, Naiwieng 30 : Ka BJP hynne ka sngi Balang kala kular ban ai jingiada ia ka jingim bad ka nongkynti jong ki paidbah lada ka shah jied ban wan ha ka bor ha u snem 2023.
“Na ki jingjia ba jia, ka long kaba donkam ban don ia ki lad ki lynti kiba khlain ban iada ia ka jingim bad ka nongkynti jong baroh ki briew, la ki dei kiba shong ha Jylla ne kiba wankai sngewbha ne ba wan trei. Ka BJP kan pynthikna ia kane lada ka ioh thaw Sorkar hadien ka elekshon” ong u Ba Ernest Mawrie, President ka BJP ha ka kyrwoh.
U Bah Mawrie ula ong ba ka BJP kan aibor ia ki bor pulit, ban pynthikna ia ka jingdon jong ki ha baroh ki bynta jong ka Jylla bad thaw ia ka Rule ban nym pynshlur ia ki samla ba kin shim ia ka ain hala ki jong ka kti.
Une u Nongialam ka BJP ula ong ba ka jingsuk bad ka jingshngain ka dei kawei na ki jingdsngewkhia jong ki paidbah ka Jylla mynta.
Ula ong ba ka jingkulmar ba jia dang shen, ka jingshoh briew, ka jingpynjulor ia ki nongkynti kala ktah bha ia ka Jylla ha kiba bun ki liang kynthup ia ka kamai ka kajih jong ki nongshongshnong haka Jylla.
