Shillong, Naiwieng 24 : Ka Meghalaya Human Rights Commission (MHRC), Shillong, kala pan kaiphod na ka Sorkar Jylla halor ka jingshah siat iap ki 5 ngut ki riew paidbah ha ki Pulit ka Assam ha Shnong Mukroh, West Jaintia Hills District, kaba jia myn ha ka step sngi ba-ar.
Kat kum ka kyrwoh, ka MHRC kala shim ia ka suo moto case halor kane ka jingjia bad bthah ia u Chief Secretary ka Jylla ban ai ia ka kaiphod kaba bniah (detailed report) hapoh ka 15 sngi ba ioh pdiang ia ka notice.
Kum ban shu kdew hangne, ka Sorkar Jylla kala rai ruh ban leit iakynduh ia ka National Human Rights Commission ha Delhi ban aiti ia ka kaiphod halor kane ka jingjia.
U Myntri Rangbah ka Jylla bad ki Myntri Sorkar kila hiar hynne ka sngi palei sha Delhi ban iakynduh ia u Myntri kam Pohiing Amit Shah bad ban iakren halor ka jingthung ia ka jingtohkit da ka NIA ne ka CBI halor kane ka jingjia ha Mukroh.
Kane ka Kynhun kan sa iakynduh ruh ia ka National Human Rights Council (NHRC) ha kane ka jingleit Delhi.
