Shillong, Naiwieng 10: Ka First Lady jong ka jylla Meghalaya ka Neelam Misra kaba dei ka Kurim jong u Lat ka jylla, ha ka 9 tarik u Naiwieng kala leit ban jurip iaka National Institute of Fashion Technology (NIFT), Umsawli bad ioh iakren markhmat bad ki samla pule bad ki nongpyniaid jong kane ka jaka pule.
Ka Misra kala kyntu ia ki samla ba pule ia ka Design ban pynneh bad kyntiew iaka rukom thain pynwandur bad ohshrong tynrai ia ki jain bad kala ban jur ban ia ka jingdonkam ban pynkhie im biang iaka Art kaba la sdang ban iap bad kala ai jingmut ba ia ki jain tynrai kiba la pynmih da ki nongthain jain ka Thain shatei lam mihngi kidei ban pyniaid iew noh ia kine ki jain ha ka pyrthei baroh kawei.
Haba peit bniah iaka Documentary ‘Celebrating loin loom weaving through Loin Loom Weaving of Arunachal Pradesh’ ka First Lady kala pynpaw iaka jingkongsan ban pynrung iaki design tynrai kaba lah ban iaid iew ha ka pyrthei baroh kawei.
Nalor kane, kala jubab ruh bun tylli ki jingkylli kiba la buh da ki samla pule kiba shemphang
Ka Misra kaba long ka longkmie kaba ialeh ban kyntiew iaka jingthain jain tynrai ha Arunachal, kala shimkhia da kaba shim iaki lad ki lynti ban pynshlur iaki nongthain jain ban shimkhia iaka kam thain jain ban biang ha la ioh ka kot.
Ka First Lady kala leit ruh ban jurip iaka Silk Village ha Umden –Diwon, Ri Bhoi District ban sngewthuh khambha ha kaba iadei bad Eri-Silk bad ka buit thain jain.
