Shillong, Naiwieng 08 : Ka jingphohsniew jong ki nongshongshnong ka Siju, South Garo Hills, ban ioh noh iala ka jong ka Community & Rural Development (C&RD) Block kala urlong hynne ka sngi ba-ar da ka jingplie paidbah u Myntri Rangbah ka Jylla Conrad K Sangma, ia ka Ophis jong kane ka Block thymmai kaba dei ruh ka C&RD Block ba 21 ha Ri-lum Garo.
Kat kum ka jingpynbna (Notification) bala pynmih da ka Tnad C&RD, ia kane ka Block la pynkha thymmai ha ka 21 tarik u Risaw bad la pynhap haduh 135 tylli ki Shnong ha kane ka Block bala tip kum ka Siju C&RD Block.
Kane kan dei ka C&RD Block kaba 5 ha South Garo Hills bad kaba 21 ha Ri-lum Garo baroh kawei.
Haba ai sngewbha ia kane ka Block sha ki paidbah ka Siju, u Myntri Rangbah ula ong ba ka jingpynkha ia kane ka Block ha Siju ka dei ka jingkynmaw burom kaba paka eh ia u Captain Williamson A Sangma, uba dei u Myntri Rangbah ba nyngkong eh ka Meghalaya bad uba dei na Siju.
The demand for the Siju C&RD Block was long-drawn & today marks a momentous chapter for the District- the birthplace of Meghalaya’s 1st CM, Capt. Williamson Sangma.
We dedicate this new dawn, marking Meghalaya’s 50th Statehood milestone to him pic.twitter.com/prWW9s26hx
— Conrad Sangma (@SangmaConrad) November 8, 2022
“U Captain Williamson u ieid bha bad uba kit bha ia ki paid riewlum, uba la ialam ia ka jingiakhih ban pynkha ia ka Jylla kaba ngi khot da ka jingsarong kum ka Iing jong ngi. Mynta, ngi la rakhe ia ka jingdap 50 snem ka Jylla bad ka dei ka sngi ban sah ha ka histori ba ngi la lahban pynkha ia ka Siju C&RD Block ha ka Shnong jong une u Myntri Rangbah ba nyngkong” ong u Conrad.
Haba pynpaw ba ka Jylla kala dei ban kiew bha ha kine ki 50 snem hynrei namar ki ba bun ki daw, ka Jylla kala sah shadien haba iaujor bad kiwei pat ki Jylla. Ula ong “Ngi la pynkheh ia ka plan jong ka 50 snem ban wan bad ngi la nang trei ban pynthikna ba ha ka jingrahe 100 snem ka Jylla, ngin ioh ia ka jylla kaba la kiew bha bad kaba plie lad mar kumjuh ia ki nongshongshnong”.
Ki paidbah ba palat 3000 ngut kila wan ban iashimbynta ha kane ka jingplie ia ka Block. U Myntri Rangbah ka Jylla bala synran da u Symbud Lamphang ka Iingdorbar Timothy D Shira, ki MLA ba kynthup ia u Rakkam Sangma, Marcuise Marak , Jim Sangma, Rupert Momin bad u CEM ka GHADC, ula plie ia u mot kyrteng kum ka dak ka jingpynkha ia ka Block ba thymmai.
Kine ki kynrem ki lyndan kila leit ruh ban iuhkjat ha ka Ophis ba shipor jong ka Block ha Siju. Ka jingtei ia ka Ophis ba thymmai kan sa sdang noh shen.
U Myntri Rangbah ula ong ba ka Sorkar jong u kala pynleit jingmut bha ha kiba bun ki liang ban pynthikna ia ka jingkiew shaphrang ka ioh ka kot jong ki paidbah bad kala wanrah ruh ia bun ki skhim ban lah kynjoh ia kane ka thong. Ula ong ba ka Focus bad Focus plus, ka welfare programme kaba heh duh na ka bynta ki paid nongrep, kan dang iai bteng ha kine ki 10 snem ban wan ban pynthikna ba ki paid nongrep kin don pisa ban trei ia ka kam.
Ha kane ka sngi, u Myntri Rangbah ula sam ruh ia ki Focus Plus Card sha ki nongioh skhim bad aiti ruh ia ka cheque pisa sha ki Self help Group kaba kot haduh T. 28 lak lyngba ka Meghalaya State Rural Livelihoods Society – MSRLS.
Our focus on farmers through the FOCUS program has manifold benefits through interventions dedicated for their growth.
Through Focus+ funds of ₹6.75 Lakhs was given to 675 individual producers of Siju in South Garo Hills District@nstomar @PMOIndia pic.twitter.com/QIENWADg2v
— Conrad Sangma (@SangmaConrad) November 8, 2022
U Myntri Rangbah ula sam ruh ia ki khun sniang naka Rural Backyard Piggery bad ka skhim ri syiar (Poultry scheme)-PROGRESS, ha kaba la sam haduh 1392 ki khun sniang sha ki 348 ngut ki nongrep bad 2500 tylli ki kuroiler sha ki 50 ngut ki nongri syiar.
For our youth development programs to be carried forward by youth organisations to Siju, funds of ₹1 Lakh was distributed through YESS Meghalaya program@ianuragthakur pic.twitter.com/pGoyslyxK0
— Conrad Sangma (@SangmaConrad) November 8, 2022
Na ka bynta ki samla, u Myntri Rangbah ula aiti ia ka song pisa ba T. 1 lak lyngba ka YESS Programme sha ka seng samla ka Siju ba kin pynlong ia ki prokram bapher bapher na ka bynta ki samla.
U Myntri Rangbah ula plie paidbah ruh ia ka Collective Marketing Centre jong ka Gangga Awe IVCS ha Siju bala bei tyngka da ka Meghalaya Livelihood Access to Market Project bad ruh ia ka Cold Storage Unit ka ban pynmyntoi ia ki nongrep ba kin ioh buh ia ki marrep khnang ba kin ym pyut kai bad duhnong.
Inaugurated the Collective Marketing Centre of the Gangga Awe IVCS in Siju funded under the Meghalaya Livelihood Access to Market Project.
This is one of the best performing IVCS in the State. Happy to see them grow and prosper! @AmitShah @nstomar pic.twitter.com/WRR7xmQx2u
— Conrad Sangma (@SangmaConrad) November 8, 2022
