Shillong, Lber 03: U National President ka National People’s Party (NPP) Conrad K Sangma, un bamsmai kum u Myntri Rangbah ka Jylla ha ka sien ba-ar, ka ban long ha ka 7 tarik mynta u bnai.
Kat kum ka khubor bala ioh, u Myntri Rangbah Duh ka Ri Narendra Modi bad u Myntri kam Pohiing ka Ri Amit Shah, kin wan lang sha Shillong ban pynshngain ia kane ka jingbamsmai, ka ban long ha Raj Bhavan, Shillong.
Ka BJP kala ai ia ka shithi ai jingkyrshan ia ka NPP ba kan thaw ia ka Sorkar Thymmai ha Jylla. Kumjuh ruh u Kyrtong Shimet na Baghmara ula ai ka jingkyrshan.
Ki arngut ki MLA ka BJP bah Sanbor Shullai bad Bah AL Hek lem bad une u MLA shimet kila iashimbynta lang ha ka jingialang jong ka NPP Parliamentary Party ba long hynne ka step sngi thohdieng.
Kumba long mynta, ka NPP kala ioh 29 ngut ki MLA, 26 ki jong lajong bad 2ngut ki MLA ka BJP lem bad u MLA Shimet.
Haba iakren bad ki Nongthoh khubor, U Conrad ula pynpaw ia ka jingsngewskhem ba ka sorkar ban thaw da ka NPP kan don 32-34 ngut ki MLA. Hynrei ula kyntait ban iathuh ia kiei ki MLA bad ki party aiu ki ban wan kyrshan ia ka NPP.
Haba kylli ia ka HSPDP bad PDF, u Conrad ula ong “Ngin ioh 32 tam… Ngin ia ap bad iapeit”.
