Shillong, K’Lyngkot 24: Ha ka jingïalehkai kaba itynnad, ka kynhun ialehkai ki shynrang na Ri Bhoi District, ka la jop bad ioh bat biang ïa ka takma ksiar haka phutbol phainal (Men’s category) jong ka 6th Meghalaya Games 2025 kaba long ha Wahijer Sports Stadium, Jowai.
Ka Ri Bhoi kaba dei ka nam lahduh haka 5th Meghalaya Games kaba long ha Tura, ka la ïakhun pyrshah ïa ka West Khasi Hills ha ka phainal mynta ka kynti.
Ka jingiakhun Final kala kut noh tang da shi kol ia kaba la thep da u Newbirthson Sangkli ha ka minit kaba 8 jong ka kylla step.
Ha ka jingïalehkai jong ki kynthei, ka East Khasi Hills kala ioh rah iaka nam jop daka ba pynliem ïa ka Ri Bhoi da 1-0 kol.
Ia ka kol la thep da ka samla Iaraprang Nongrum ha ki minit ba khatduh jong ka kylla step.
Ha ka jingïakhun ïa ka takma rnong (Men’s), ka West Jaiñtia Hills ka la jop ïa ka South West Khasi Hills da 7-2 kol.
Haka jingïakhun ïa ka takma rnong jong ki kynthei, ka South West Khasi Hills ka la pynliem ïa ka West Jaiñtia Hills da 1-0 kol.
Lah ban kdew ba baroh ki jingialehkai ha baroh ar ki kyrdan jong ki shynrang bad kynthei, kidei hapoh ka rta kaba 17 snem.
 jong ka 6th Meghalaya Games 2025 kaba long ha Wahijer Sports Stadium, Jowai.){kind=link}