Jowai, K’lyngkot 25: Ka Meghalaya Games kaba Hynriew, kala kut noh hynne ka sngi Saitjain da kaba pynlong ia ka jingialang pynhap pyrda ha Kiang Nangbah Football Stadium ha Jowai.
Kane ka jingkut noh jong kane ka tamasa ialehkai kaba shi taiew, la sakhi ia ka jingwan iashimbynta palat 3500 ngut ki nongialehkai kiba iakob ha ki 29 tylli ki jait jingialehkai.
U Symbud Myntri Rangbah ka jylla u Bah Sniawbhalang Dhar ula long u kongsna ha kaba la iadonlang u MLA ka Jowai u Bah Wailadmiki Shylla, u Working President ka Meghalaya State Olympic Association (MSOA) u Bah John F. Kharshiing, u Deputy Commissioner ka West Jaintia Hills District u Bah B.S Sohliya bad kiwei kiwei ki heh ophisar.
Ia kane ka Meghalaya Games la plied a u Myntri Rangbah ka jylla uConrad K Sangma haka 21 tarik u Kyllalyngot ha kaba la iadonlang u Myntri ka tnad Sports and Youth Affairs u Bah Shakliar K Warjri.
Ha kane ka lympung kaba mynta, ka East Khasi Hills kala rah ia ka nam lahduh da kaba ioh khur 149 tylli ki takma ksiar, 105 tylli ki takma rupa bad 127 tylli ki takma rnong bad baroh ki takma kiba la ioh khur ki long 381 tylli. Ka WJH kala long ka First Runner Up da kaba ioh khur 108 tylli ki takma bad ka Ri-Bhoi kla ioh ia ka Second Runner Up da kaba ioh khur 104 tylli ki medal.
Ha kane ka 6thMeghalaya Games ka jingwan iahsimbynta jong palat 3500 ngut ki nongialehkai kaba long kaba heh tam bad ha ka sien kaba nyngkong kila don 7 ngut ki Para-Athletes kiba la iashimbynta lang ha kane ka Meghalaya Games.
U Bah John F Kharshiing, ula ong “95% na ki nongialehkai kiba na rilum Garo kila ioh ban sakhi ha ka sien kaba nyngkong eh ia ka West Jaintia Hills lyngba kane ka lympung iakob ialehkai”.
U Bah Sniawbhalang Dhar ula pynpaw ia ka jingsngew halor ka jingseisoh ban pynlong ia kane ka Meghalaya Games kaba jop bad ula iaroh ia u Myntri Rangbah ka jylla, u Myntri ka tnad Ialehkai, u MLA ka Jowai bad ia ki synjuk ialehkai ki bapher bapher.
“Ngio sngewsarong ban ong, ba ngi la long kiba bit ba biang ban pynlong ia ka National Games” ong u Bah Dhar bad ka bynrap ba ka tnad Ialehkai kala kiew shaphrang bha hapoh ka jingialam jong ka sorkar MDA kaba la kyntiew ruh iaka jingpynlut ha kaban tei ia ki jingtei ki bapher bapher kiba iadei bad ka kam ialehkai. Ka jingthmu ban tei ia ka Mawkhanu Football Stadium, kan dei kaba heh tam ha kari bad kane ka n pynlong iaka jylla Meghalaya kum ka nongbah jong ka jingialehkai Football hapoh ka ri India.
Ha kane ka 6th Meghalaya Games, la kynthup ia ka An’ding Oka ha ki 3 tylli ki Traditional Games ne ki jingialehkai tynrai, ia kaba la ialehkai da 87 ngut ki samla ka Meghalaya, ka khana shaphang u Banshanlang Khyllait, ha kaba ka iing ka sem jongu baroh kala iashimbynta ha ka Cycling, ka nongialehkai Football ka Sanfida Nongrum kaba la trei shitom bha da ka jingdon iaka jingangnud ban ioh mihkhmat iaka ri.
U Bah Wallambok Lyngdoh, u Head Coach ka Meghalaya Sport Climbing and Mountaineering Association, ym tang ba ula ai jinghikai ia ki nongialehkai ha ka U-16 hynrei ula ialam ruh na khmat ha kaban ioh pdiang ia ki khusnam ha ka jingleit mihkhmat ia ka jylla Meghalaya.
